生活趣事

話說, 小女因搬了入山卡拉城後, 買傢俬, 買電器, 遺留了很多紙皮, 因為太多, 掉棄在後樓梯又怕俾人話, 最後, 把心一橫, 儲存在書房兩星期, 然後拿去回收車回收!!!

在這兩星期, 不停俾人話, 又話令到間房好亂, 好細, 其實我都係貪得意, 見屋企樓下, 定期會有人來回收廢物, 而且生活了這麼多年, 都未試過做這些事!!!  其實都幾好玩, 又可以環保, 又可以換番錢, 雖然最後都係換番8蚊, 不過都唔錯吖!!!

至於話我果個人, 因為見到我換得8蚊, 笑了好久......不過都好多謝他, 幫我搬去回收車, 唔該晒呀~~~~

2012.01.10 純粹有感而發

話說我2011年12月24日開始在"山卡拉城"居住,  而今天好像是入住以來第一次跟朋友去街, 之前一直都係某些朋友黎屋企玩!!!!

今晚和大美及萍萍去看電影"吸血新世紀", 可能真係有段時間没有見面, 分別回家的時候真係好唔捨得呀, 今次一別又不知何時大家才有時間見面, 之前, 每個月我們均會見幾次......原來朋友在我心目中真係十分重要呀, 可能人大咗, 認識真正朋友的機會愈黎愈少, 尤其是大部分時間都在公司, 好難會結交到對你冇機心, 又真心對你的朋友, 所以這幾位老友仔對我黎講, 真係非常重要!!!

而今天放工的時候, 和一年長少少的同事一起坐車, 傾吓閒事, 聽佢講番佢兩名兒子的童年事, 突然有感而發, 覺得上天好多事情都自有安排, 你無需太緊張, 在意, 因為往往會俾好多壓力自己, 令自己唔開心.....可能以前的我真係太執著了, 所以有段時間成日都好唔開心, 希望大家都唔好學我, 睇開啲~~~

題外話, "吸血新世紀", 真係唔錯, 好好睇, 精彩, 緊張......不過, 我覺得HONEYMOON的部份多咗少少, 有點過多.  追開的朋友一定會繼續追, 好期待下一集的大結局, 不過, 我諗又要等一年了, 等到頸都長.....