新娘化妝 - 婚紗妝

一個簡簡單單的婚紗妝造型

2012.08.06 有感而發 - 良知 & 良心

良知 & 良心 - 真人真事

MR & MS 由學生時代己經開始拍拖, 到了適婚年齡, 決定結婚!!!!  在籌備婚禮的期間, MR十分忙, 要上班, 又要繼續進修, 所以大部分婚禮的準備功夫都是MS負責, 而MR主要出錢!!!

原本, 大家都覺得他們會開開心心地生活下去....誰不知, 在婚後的2星期 (大約), 收到MR的消息, 指他們要分開......大家都十分愕然, 都希望知道原因, 究竟發生什麼事???
原來, 他們在決定結婚之後幾星期, 有第三者力追MS, 最後MS接受了第三者的追求, 但繼續隱瞞下去, 繼續籌備婚禮!!! 和第三者拍拖了10個月, 就是結婚的正日, 也是我們開開心心祝福他們的日子, 但最後竟然換來是這個消息!!!

本人十分明白, 有時候, 感情没了就是没了, 不可以強求!  能夠拍拖, 結婚, 白頭到老, 除了因為緣份, 還需要雙方努力經營, 所以我並没有覺得MS接受第三者及一起是不對, 或可惡, 只是時間上的問題!!!!  但我覺得既然都決定跟第三者一起, 為什麼還要和MR結婚呢???

當大家都接受現實, 都希望他們弄清楚後, 離婚算了......最後, 在他們談論離婚細節的時候, 令大家震驚的是, MS是不會歸還男家所贈的金器!!!而他們的新居, 首期是MR支付, 之後的供歀就是大家一起供的, 但MS竟然要將賣出樓宇的所有利潤平分......我們真係估不到, 為何MS會變成這樣???

其實, 現今社會, 情侶間的感情, 離離合合都是很普遍, 但點解有人可以那麼貪心呢???已經傷害了別人, 連別人的錢都要貪, 究竟良心在那???

2012.08.05 有感而發

近期, 收到一個不辛的消息, 朋友仔的媽媽得到急性病, 在醫院過咗3日就離世......

得到消息後, 我好唔開心....我並沒有立刻發訊息安慰, 因為我怕, 我亦唔想再令他難過, 我想在這個時候, 他需要一個清靜的空間, 所以我過了幾天才發訊息給他...

幾日後, 見到他.....表面上看都唔錯, 都有講有笑, 只是樣子有時帶點憂傷, 大家都明白, 所以只好陪著他, 講些是非, 笑話......

不過, 最可笑是, 得悉他的上司處處針對!!!平常的時候, 點為難, 點針對我都覺得, 算啦, 有糧出就算. 但今次不同, 點解仲要針對???話說, 公司會有恩恤假給同事來做家人的身後事, 但誰不知那個所謂的上司竟然要朋友仔給證明文件.........真的很難理解那位上司的心態及用意, 莫非會有人用這個藉口來放假???莫非會有人咁不孝說自己的親人離世???最後朋友仔致電人事部問清楚......真相大白!!!原來有人真的玩針對, 根本都不用給證明文件........

唉.....現今的打工仔....不做擦鞋精, 就只好俾人針對....大家都是為兩餐, 為何要做那麼多無謂的小動作呢???

2012.08.16 又去試野啦 - KOZY~~~~

今次朋友仔生日, 我地試咗一間日式的餐廳, 位於銅鑼灣, 名叫: KOZY的大板燒!!!
味道上都唔錯, 只是全部食物都偏咸, 所以食完之後, 好口渴!!!

放响度的鏟原來唔係俾我地燒, 係用黎切開啲野食!!!

關東煮, 味道唔錯!!!

芥苿八爪魚, 如果芥苿味再重啲仲好~~~

温泉蛋沙律, 好清新, 好好味~~~

燒青瓜

泡菜

芝士奄列蛋, 幾好味, 不過有點咸!!!

燒牛舌, 好好味, 唔錯~~~

燒餅, 味道都係有點徧咸~~~

豚肉大板燒, 好好味, 不過唔覺有豚肉, 同埋都係徧咸....

如果係十分鐘意日本的大板燒, 係可以試吓, 而且所有師傅都是日本人, 而周圍的客人, 大部分都係日本人, 有點像在日本的感覺!!!

2012.06.19 Dinner @ Biergarten Fass

2012.06.19 係朋友仔的生日, 一行5個女仔又係時候試吓新野啦, 今次我地試咗响尖沙咀一間德國餐廳, 總括來說, 食物的評分是滿意之上, 環境都好滿意, 只是當晚店內只得兩名待應生, 所以服務比較慢, 例如: 想落order, 要等, 想要menu, 要等, 結賬都唔會快!!!

這就是我們今次試的德國餐廳 Biergarten Fass, 位於尖沙咀河內道

德國腸, 全部都唔同味道

德國咸豬手, 好好味呀, 連配菜都令我們讚不絕口, 一定要試!!!

凱撒沙律, 味道都唔錯, 可以一試!

卡邦尼長通粉, 雖然細碟咗少少, 不過都好好味!!!
最後5個女仔就食咗以上的食物, 都足夠, 大家不妨一試!!!