2013.04.27 - 20 & 21星期

這兩星期真的完全完全過得非常開心, 除了可以大吃大喝外(當然有很多食物不可以食啦), 還時常感覺到"他"在肚裹左郁右郁, 感覺十分奇炒!!!

而家腰都是維持33吋, 冇大過, 不過個肚就圓咗好多, 原本只是肚腩的位置大, 跟著就是肚的兩則, 現在連胃至肚的位置都開始大起來, 原來有咗BB身體係會有咁的變化, 好奇妙呀~~~

現在坐車的時候, 己經開始很多好人讓位給我啦, 而剛剛的星期二到了健康院檢查, BB一切正常, 真的好開心, 希望BB快高長大啦~~~

2013.04.13 - 18 & 19星期

這兩個星期, 真的過得很開心, 首先己經感覺到BB在肚裏郁動.  而在晚上, 躺在床上的時候, 會感覺到他踢你, 感覺就像肚內的腸臑動, 但只是幅度大很多.  起初還以為自己FEEL錯, 所以叫陳生都試吓, 他會感覺到肚皮, 有一下一下的隆起, 感覺真的很興奮.

而食欲方面也開始大增, 每餐會比以前食多少少, 而且會常常覺得肚餓.  而衣著方面, 己經有很多衫都著不到, 所有內衣及內褲都要換一些俾孕婦或SIZE要有XL才可以著到, 而平常會著的LEGGINGS, 都要著XL.  現在腰圍己經有33吋, 而磅數都仍是100磅.  現在己看到肚子有明顥的隆起, 坐車時都開始有人讓位了.

2013.03.30 - 16 & 17星期

這兩個星期情況開始好好多, 己經没有嘔啦, 只係間中會有少少作嘔感覺, 但心情己經完全唔同.   而食欲都多了點, 而家早上在早餐前會食一個麵包, 而下午TEA TIME會食生果.

上次檢查, 我的體重己經到了100磅, 重了7磅左右, 但眼看都不是十分大的分別, 只是肚子己經明顯隆了起來, 腰圍就以前的24吋, 去到現在的32吋!

不過我的負面性格時常令我不安心, 因為要等到4月尾才到醫院檢查, 好像要等好耐, 又唔知BB近期的情況, 開始自己擔心起來......如果每星期都可以見佢一次就好啦, HAHA, 唔知其他準媽媽會唔會好似我咁呢???