食到㷫烚烚DINNER

昨晚, Edna baby提議去銅鑼灣的"莊園"食韓國料理, 雖然只得3個人, 試的種類不多, 最後都試咗3個菜, 更說好下次要下試其他菜式!!!!食完回家, 馬上去OPENRICE了解這間食肆, 原本好評都不少, 還有很多推介菜式都未試, 下次一定要再去~~~~

http://www.openrice.com/restaurant/sr2.htm?shopid=9904

首先有8碟前菜, 是可以無限添食, KIMCHEE真係好好味, 雖然真係有少少辣, 不過唔係好食到辣的我都不停食, 真的唔錯~~~~

這個是牛肋骨煲, 原來是店內最出名的菜式, 掛不得Edna baby一定要order啦, 真係好好味, 肉汁鮮美, 甜甜地, 而且唔韌, 真係值得推介~~~~


韓式海鮮湯麵, 有少少辣, 不過不用一邊食一邊飲水, 頂得住, 這個湯麵都唔錯~~~

泡菜湯, 好好味, 不過真係有點辣, 馬上叫咗杯7-up, 解辣, 不過真係好好味, 最後都飲了兩大碗~~~

總括來說, 這間食物的質素都唔錯, 某些菜式比"新羅保"還好味, 價錢亦比"新羅保"便宜, 如果想食韓園料理, 真係可以一試再試~~~~

關島遊記 Part 5 - 2011.11.13

因為之前果晚响K-MART作最後衝刺買手信, 最後可以入睡的時間已經差不多1點, 但明早要坐6點機回香港, 叫咗3點有MORNING CALL服務, 4點就要响LOBBY集合......結果大家都係訓咗一陣就要起身啦......但去到機場又係要等, 你會由好眼訓變成好精神, 因為人多到令你發脾氣!!!

如果大家有睇Part 1的話, 應該記得入美國境係超煩, 咁出境呢???會唔會好啲呢??答案係會好啲, 但唔代表你會接受到!!!!首先, 你要將你的喼/旅行袋, 總之係寄運的野解鎖, 因為佢覺得有可疑的話, 佢會自己開你的行李, 唔會同你講, 如果你真係LOCK咗, 佢會KEEP起你個行李, 唔會俾番你, 即係你到香港先會知少咗啲行李!!!!之後, 排隊過關, 佢會將你機票同PASSPORT的資料對一次先, 好似老師對學生的功課咁, 之後,又係隨身行李過X-RAY, 人就過金屬機. 雖然, 係冇之前咁煩, 但我諗你心裡都會諗, 美國真係好煩/香港真係好好!!!!!

又係响馬尼拉轉機, 都係一樣有2粒鐘時間响機場, 還記得前幾天响馬尼拉機場係勁趕, 係冇時間俾你買任何野, 但今次因為唔駛入美國境, 我地真係有好番好多時間响機場逛!!!!!

總括, 關島這個地方真係一個好好的渡假地方, 可以好RELAX去享受大自然, 空氣又好, 當地人又NICE, 如果間中過黎渡假都唔錯呀~~~~

關島遊記 Part 4 - 2011.11.12

話咁快已經去到旅程的第四天啦, 忙咗幾日, 都未有好好咁享受過假期, 關島的陽光與海灘都冇接觸過, 响第四天, 要盡慶~~~~

首先, 報咗個TOUR出海睇海豚+浮潛+釣魚......其實係睇海豚+浮潛/釣魚, 因為浮潛及釣魚是同一時間進行!!!我地晨早7點就梳洗, 趕急地食了個早餐, 就到LOBBY集合.  在LOBBY會有專車接我們到碼頭, 不過車程比較耐, 大約用了25-30分鐘, 不過落車的時候......嘩, 好靚呀~~~~

 今次出海, 好期待, 因為我最想的就是睇海豚, 雖然命中率都有90%, 不過, 我黑仔王真係怕黑到睇唔到........最後, 坐咗大約20分鐘船程, 船開始慢駛.....其他人都擁到船側, 我當然都唔會執輸啦, 結果.....

雖然數量唔多, 又冇游黎我前面, 但見到已經超開心呀~~~~
之後, 船再向前駛大約5分鐘, 就停下俾大家浮潛&釣魚!!!!我對一上次浮潛是在泰國的巴提雅, 今次再玩, 真係差好遠, 關島的水真係清好多, 同埋真係好清楚地看到水低的珊瑚, 真係要慨嘆大自然的力量~~~~

完成行程己經是中午時間啦, 跟住我地就乒分兩路, 因為成班仔就要玩潛水, 而我地班女梗係SHOPPING啦~~~~

首先, 睇吓大家的LUNCH有咩分別先:
班仔呢, 就冇咩新意, 去番之前食過的TONY ROMA'S, 而我地班女呢, 梗係會周圍揾好野食啦, 今次我地試咗附近一間酒店的露天餐廰......

 
 

日日對住咁靚的海食飯, 真係爽呀~~~~食物的質素都唔錯, 都有水準的, 不過可能因為露天的關係, 到我地食完吹水的時候, 出現咗3隻小強, 迫我地急急腳咁走......無晒癮!!!!

食飽飽, 我地梗係去SHOPPING啦, 去咗DUTY FEE就睇吓有冇平野買.....其實唔係平香港好多, 歀式又唔係話好特別多, 最後成班都只係買咗幾件有GUAM字樣的T-SHIRT咋......

而晚餐, 我地今晚就响一間餐廳, 之前香港都有架, 就係......

 

食物都唔錯, 環境都滿意架, 大家可以一試呀~~~~~

DINNER完, 應該返酒店休息的啦, 但我地都唔願返, 話晒明早就要返香港嘛, 最後.....成班再去K-MART掃手信, YEAH~~~~~

關島遊記 Part 3 - 2011.11.11

終於寫到6條1啦, 11.11.11, 冇錯, 同好多香港人一樣, 果日都係我的大日子, 我都係選擇响6條1那天結婚, 雖然係大日子, 但我並不是乖乖的坐响度等嫁~~~~

早上, 因為較咗ALARM的關係, 响關島的時間7時半起身, 真係好唔願起身, 放假都冇得安樂醒, 真係好没趣, 不過冇法啦, 為咗佢地兩個, 冇計啦......之後梳洗, 即刻去咗酒店的西餐廳食早餐.  食到差不多9點, 就立即回房做我要做的工作.....係咩呢......就係為我果個十分貪靚的姑姐和媽咪化妝啦, 佢地兩個仲帶咗套飲衫黎, 真係誇張, 我原本仲以為大家都是牛仔褲或便裝出席, 點知, 個個都盛裝, 真係好意外~~~~

化完果兩個奄尖媽咪後, 我同HONEY都差唔多夠鐘去化妝, SET頭及換衫啦~~~~

响我同HONEY去扮靚的時候, 原本佢地14人, 靜靜雞食好野喎, 真係冇義氣呀, 有好野食都唔等埋我, 哼~~~~仲要個個都讚好........嘔血呀~~~~

終於行禮啦, 你睇吓, 大家都盛裝出席, 真係多謝晒呀~~~~

最後, 大家影完相, 笑完一輪, 就一行16人去食DINNER啦~~~~今次係請大家食關島的風味餐 ---查莫洛料理~~~~
這間餐廳是旅遊書推介, 唔知係未有COMMISSION收呢, 啲野食呢......唔係話唔好食, 不過好食一定冇佢份, 都唔知點解會推介, 仲諗住辛苦大家, 舟車勞動, 請大家食餐好, 點知.......所以我勸大家唔好試這間餐廳!!!!!

之後大家都唔夠飽, 各自再揾食!!!!!

咁又過咗一日啦~~~~~

關島遊記 Part 2 - 2011.11.10

其實响馬尼拉機場是逗留兩小時, 但果兩小時真係十分忙, 唔係因為好多相要影而忙, 而係入美國境真係超煩!!!!!

首先, 我們要排隊响一個COUNTER度响張機票上面CHOP個TRANSFER的印, 然後又要排另一條隊, 俾人搜身......要將你身上的物品放在籃上, 包括你著緊果對鞋, 等照X-RAY, 而自己也要過金屬機, 而且仲要俾人搜身.....好啦, 仲以為攪惦啦, 點知, 臨上機,又要再搜身, 今次仲煩. 首先你要先將你身上的物品俾佢檢查, 我有個背包同手袋, 佢將我手袋及背包入面的野, 逐件逐件咁攞出來, 逐件逐件咁睇, 睇完又逐件逐件咁放番入去, 真係好嘥時間......唔好以為搜完行李就完成, 佢會將你的行李放响佢身後, 之後要俾另一個工作人員搜身, 首先要脫鞋, 佢睇完你對鞋又會放响另一個地方, 之後就俾佢搜身, 搜完之後, 你就要去攞番自己對鞋, 之後再攞番自己啲手袋......真係煩到震, 估唔到响馬尼拉, 一個機場內, 就要搜兩次身, 除兩次鞋.......美國, 你係未真係咁怕死呀???

終於可以上機啦, 晚上10:15由馬尼拉起飛, 坐4小時, 因為有2小時的時差, 所以去到關島是淩晨4點啦~~~~

去到關島, 攪好晒入境的手續, 有個CITY TOUR的領導帶我地遊覽幾個關島的景點.  首先佢帶咗我地去一個大型的超市: K MART, 因為關島的氣温平均有三十幾度, 只是一早一晚會比較清涼, 所以佢提議我地買多啲水, 以免中暑.

之後, 去第一個景點:關島自由女神像, 差不多天亮了, 可以見到日出, 真係好興奮, 關島的風境真係太美啦~~~

第二個景點: 阿布根瞭望台. 在瞭望台可以看到半個關島的景色, 不禁又要說句, "關島, 你真美呀~~~"
去到瞭望台, 一定要試椰青伯伯的椰青, 首先大家一邊欣賞關島的景色, 一邊飲椰青, 飲完後唔好掉, 攞番俾椰青伯伯, 佢會放啲wasabii响個椰子入面, 攪均再食啲椰子肉, 好好味, 有人話似三文魚刺生, 有人話似墨魚刺生, 清甜可口, 連我唔鐘意食椰子, 飲椰青的人都覺得好好味, 超讚!!!

第三個景點: 聖母瑪麗亞大教堂, 因為宗教的問題, 唔係好熟識, 不過都有入內參觀.

第四個景點: 戀人岬, 這是關島一個好著名的旅遊點, 是為了紀念一對悲慘的戀人.

完成這個景點, 大家就返酒店CHECK IN啦, 我同HONEY就要到關島的政府攪文件, 不過因為太多人, 成日早上都要响度等......辦完晒文件, 就同大家一起去食拉麵.  這間"藤一番"是旅遊書及網友推介, 都唔錯呀, 最值得一試再試的是餃子, 真係唔錯~~~

LUNCH之後就自由活動, 我同HONEY因為太累, 所以返酒店訓咗LU......
訓到食DINNER的時候, 去咗酒店附近的CAPPICCIOSA食, 都係旅遊書及網友推介, 尤其要試墨魚汁意粉, 基本上, 所有食物都唔錯呀, 飲品大部分都有得REFILL, 值得再試~~~~

這天的行程完畢啦~~~~~