話說, 我地子公司的會計同母公司的會計合併咗之後, 接收咗母公司好多工作, 同好多勁人, 勁到可以身為OFFICER唔做好自己的野, 朝朝早睇埋報紙, 9點幾先開始做野, 中午食完個LUNCH, 仲要行陣街, 2點鬆啲先返到公司, 開始做野, 晚晚5:45盡時收工, 唔係開始執袋去厠所, 而係已經唔見咗人!!!!可能有人好奇問, 乜佢冇野做咩???唔多野做咩??? 哩位觀眾, 問得好, 答案係: 唔係喎, 係佢唔做之喎, 積積埋埋咪勁多野做囉, 但又唔會做, 點番自己果老細(AM)做,自己就响到HEA同傾電話, 點解公司有啲咁的人架, 我學到佢30%已經好好啦....唔駛攪到而家忙到嘔....
衰野, 講完就算啦, 仲有4日我就飛啦, 為公司賣命的時間係仲有1.5 working days, 雖然都可能會忙到嘔, 做到癲, 趕到暈, 不過我唔可以放棄, 要為開心的假期而戰~~~~加油呀~~~~
沒有留言:
發佈留言